गजल

झोर्दै-झोर्दै एक्लाएक्लै पार्न खोज्छन् साथीहरू !
माया गरे जस्तो गर्दै दार्न खोज्छन् साथीहरू !!!!!

आजै मात्र मृत्युको त्यो मुखैबाट बचाई हेर !!!!!
भोलि पल्ट उनैलाई मार्न खोज्छन् साथीहरू !!

आफैँलाई पर्दा मात्रै आउन भन्दै बोलाउँछन् ?
अरूलाई पर्दा चाहिँ टार्न खोज्छन् साथीहरू !!

बिना हितको मीत पनि चोरलाई भर्‍याङ भन्थे !!
हो नै रै’छ छालै शुद्ध तार्न खोज्छन् साथीहरू !!

खोज भन्छ कसैलाई बास दिने त कामै नगर !!!
दिनेकै पो डेरा अन्तै सार्न खोज्छन् साथीहरू !!
५ माघ ’७४
चाबहिल