गजल

                                              खेत र बारी मात्रै हैन करेसा’नि बाँझो थियो !

                                              बूढा-बूढी रुँदै भन्थे, पुर्खाको यो नासो थियो !!

                                              कतै साह्रै बूढो बाजे; कतै त्यस्तै बूढी बज्यै !

                                              चुह्लो छेउ सातपत्र धुलो अनि माटो थियो !!!

                                              छोरा-छोरी शहरतिर कत्ति विदेश गए भन्छन् !

                                              गाउँतिर 'होर्इ’ भन्ने मान्छेको’नि खाँचो थियो !!

                                              लौरो टेक्तै बूढा-बूढी कसोगरी बाँच्छन् कुन्नी ??

                                              सोध्दाखेरि आँशु झार्ने बोली उस्तै गाँठो थियो !!

                                             'यहीँनेर घर त थियो भूर्इँचालोले ढाली दियो !'

                                              बूढी बज्यै देखाउँदैथी हेर्दा बूढो खाँबो थियो !!

                                                                                                    २ माघ ’७४ 

                                                                                                     चाबहिल