सरकार !
धेरै भयो- 'मेस्या
चबा स्योप्टो' नमन्साएको
।
हिजो आज-
जोनीहरू मर्नु दुख्छन् ।
दिनरात रोइरहेको छु सरकार !!
अस्पतालमा देखाउँदा केही छैन भन्छन् ।
के-के
जाति औषधी दिन्छन् ।।
गरीबसँग बाँकी उपचारको निमित्त
सम्पत्ति छैन सरकार !!
जति औषधी खाएँ-खाएँ
तर, बीसको
उन्नाइस भएन ।
जान्नेहरूलाई देखाउँदा-
मेस्या चबा स्योप्टो लागेको भन्छन् ।
यस्तो भन्दा गाई खाने भाषा बुझिँन भन्नु होला ।
हो; सरकार
हो !
यो गाई खाने भाषा नै हो ।
गोरु बलि दिनेको भाषा ।।
सरकार !
एक प्रकारको स्योप्टो हुन्छ-
जो गोरुको मासु रुचाउँछ ।
त्यसले छोएपछि गोरु बलि चढाउनु पर्छ ।।
के गरुँ सरकार ?
बडो द्वीविधामा छु ।
गोरु बलि चढाएर जेल रूङुँ ?
या त स्योप्टोलाई
आफैँ खुवाएर
झूपडीमा रुँदै बसुँ !
सरकार !
छोरा-छोरीका
पनि भनेजस्तो कैल्यै भएन ।
श्रीमती दश वर्षदेखि विमारी छे ।
उपचारको क्रममा घरबार सकियो
तर उपचार लागेन ।।
सरकार !
डाक्टरहरू भन्छन्, रोग
केही छैन
रोग नभएकै भए-
मेरी श्रीमती/मेरी
जीवनसङ्गीनी
किन ओछ्यान परेकी होली सरकार ?
लबोन/लप्ताबालाई
जोखना हेराउँदा
कुल बिग्रिएको भन्छन् ।
नबिग्रियोस् पनि कसरी ?
आफ्नो त कुलपूजामा
गोरु बलि चढाउनु पर्थ्यो रे ।
पृथ्वीनारायण शाहले-
एकीकरणको नाममा ताम्सालिङ नै खाएछन् ।
मुलुकी ऐनले, मेस्या
पनि लुटेछन् ।।
चारदाममा पनि मे डाङ लगिएको थिएन ।
त्यसपछि बिग्रिएको कुल
अब कसरी सपारुँ सरकार ??
सपार्न त गोरु
बलि चढाउनु पर्दोरहेछ ।।
धर्म निरपेक्ष देशको अन्तरिम संविधानमै
गाईलाई राष्ट्रिय जनावर बनाएपछि
राणा कालीन जङ्गे कानुनले के छोड्थ्यो !!
सरकार !
लाङदर्मा ढाल्दा गोरु मार्नु पर्दोरहेछ ।
किरातहरूका कुलपूजामा पनि गोरु काट्नु पर्दोरहेछ ।
थकालीका कुलपूजामा-
चार वटा गोरुका टाउका चाहिँदारहेछन् ।
तामाङको चारदाममा, मे
ढङको चलन रहेछ ।।
अब सरकार-
धर्म निरपेक्ष देशमा
जबरजस्त हामी हिन्दू नै बन्नुपर्ने या
हामीले गोरु काट्न पाउने कि नपाउने ?
कुलपूजा गर्न पाउने कि नपाउने ??
सरकार अरू केही सोध्दिनँ
यही मात्रै मेरो प्रश्न-
उत्तरको प्रतीक्षामा छु सरकार !!
अब सरकार-
धर्म निरपेक्ष देशमा
जबरजस्त हामी हिन्दू नै बन्नुपर्ने या
हामीले गोरु काट्न पाउने कि नपाउने ?
कुलपूजा गर्न पाउने कि नपाउने ??
शब्दार्थ :
मे स्या : गोरुको
मासु
स्योप्टो : एक
प्रकारको शक्ति । एउटाले
कुखुरा, एउटाले
बाख्रा र एउटाले
चाहिँ गोरु खान्छ भन्ने मान्यता रहेको छ ।
घ्याङसिङ
जोर्नी दुख्नु : स्योप्टोले
भेटेमा यस्तो दुखाई हुने मान्यता रहेको छ ।
लाङदर्मा : लाङ (गोरु)को
जस्तो स्वरूप वा स्वभाव भएको विश्वास गरिएको तिब्बती कथासँग जोडिएको ऐतिहासिक पात्र
कुलपूजा : आफ्ना
कुलहरूको पूजा
मे डाङ : विवाहमा
लानुपर्ने डाङ । जसमा
गोरुको फिला लानुपर्दथ्यो । (मे : गोरु), (डाङ : कोशेली)
पुनश्च : तामाङ
राष्ट्रको लाङकोर र थोगोर
थरीको कुलपूजामा गोरु बलि चढाउनु पर्दछ । यससम्बन्धी
लोककथाहरू पाइन्छन् ।
.JPG)
No comments:
Post a Comment