Songrati Mhendo (सोङराती )

सोङराती  

यो एक प्रजातिको वनस्पति हो। यसको तामाङ नाम सोङराती हो। यसको झुप्पोदार रूपमा सुन्दर फूल फुल्छन् । तामाङ पुर्खाहरूले क्यालेण्डर निर्माण गर्ने क्रममा यो फूल फुल्ने महिनाको नाम नै सोङराती राखेका थिए । यो झाडी वर्गको वनस्पति हो । यसको जरा औषधीको रूपमा प्रयोग गर्दथे । विशेषतः ज्वरो आएका बखत अन्य औषधीले काम नगरेको खण्डमा यसको जरो पिसेर जान्नेले झोल खुवाउँथे । सकेसम्म बार मिलाएर साथै बनिसकेको औषधीलार्इ जगाएर खुवाउने प्रचलन थियो। यसको प्रयोग गरिसकेपछि अन्य जडीबुटीले तत् समयमा छुँदैन । त्यसकारण अन्तिम विकल्पको रूपमा प्रयोग गर्दथे । अचेल यसको प्रयोग पनि विरलै गर्दछन् । यो गडतिरदेखि मावर क्षेत्रका पहाडी भेगमा प्रशस्त पाइन्छन् ।