Kamhendo

काम्हेन्दो (Kamhendo) !

काम्हेन्दोको शाब्दिक अर्थ लगाउँदा रगतफूल (रक्तफूल) भन्ने हुन्छ । यसको रङ रगतजस्तो हुने हुनाले नै यसको नाम पनि काम्हेन्दो रहन गएको हो। यो पनि ता'फोले (सयपत्री) कै एक प्रजाति हो । 

चालिसेली तामाङ विश्वास अनुसार कुनै समयमा कुनै व्यहोरावश ता'फोले म्हेन्दोमा रगत पर्न गएछ; त्यसपछि यो फूलको रङ पनि रगतको जस्तै रातो हुन पुगेछ । 

पहिले-पहिले यो फूल देउता तथा मान्छेलार्इ चलाउँदैनथे । रगत परेको कारण जुठो मानिन्थ्यो । त्यसैले प्रयोग गर्नु हुन्न भन्थे । अचेल यदाकदा यसको पनि माला पाइन्छन् । गाउँतिर पनि प्रयोग गरेका देखिन्छन् । 

यो फूल प्रशस्त पाइन्छन् । खेती गरिरहेका खेतबारी बाँझो छोडेका रहेछन् भने यस्ता फूल धेरै फस्टाउँछन् ।