गीत

नरुने त कसको हुन्छ ? मनै त हो रुन्छ ।।।।
फरक कोही खुल्ला रुन्छ कोही एक्लै रुन्छ ।।

कसैलाई थोरै बढी कसैलाई घटी 
सुख-दुःख भन्ने चिज रै'छ छाँयाँसरि
कोही आँशु खुल्ला झार्छ कोही भित्रै थुन्छ 
फरक कोही खुल्ला रुन्छ कोही एक्लै रुन्छ ।।

अमरताको चाह यहाँ सबैले हो गुन्छ 
जन्मेपछि मर्नै पर्छ ढिलो चाँडो हुन्छ 
व्यक्तिहत्या गर्ने आफैँ मर्छस् भन्दा रुन्छ 
फरक कोही खुल्ला रुन्छ कोही एक्लै रुन्छ ।।

नरोउ भन्दै सम्झाउने मान्छेलाई हेर
ऊ पनि त भक्कानिन्छ दुख्छ जतिखेर
छोरा होस् या छोरीमान्छे मन त मनै हुन्छ 
फरक कोही खुल्ला रुन्छ कोही एक्लै रुन्छ ।।
१४ मङ्सीर '७५
चाबहिल